（一）

阿妹哩唔好叫，

阿媽上山割草櫵。

近哩又冇割，

遠哩遠吊吊。

（二）

礱谷齊差，

倒米煮夜。

冇米煮煮泥沙，

冇凳坐坐樹椏。

樹椏哩一條蛇，

嚇死阿爺眼怯怯。

（三） 熱光晃晃，雞麻吊頸， 鴨梨開花，芝麻炒冬瓜。 米篩篩粉哩，羅格掂糍粑。 糍粑冇到屋，都怪王石叔。 （四）

青竹蛇，戴笠麻，

七八月，歸屋哈。

歸來屋哈冇人料，

三日四日灰溜溜。

（五）

鴨麻落井，

雞公吊影。

吊起一條銀花帶，

把阿姑仔做花鞋。

你一雙我一雙，

留下一雙把阿姑仔嫁老公。

（六）

紅花帶，青花帶，

風一吹，蛤蛤拜。

先拜天，又拜地，

三拜好歡喜。

你歡喜我歡喜，

千奇不準話人知。

（七）

一寸銀一寸金，

寸金難買寸光陰。

光陰輕輕腳下過，

妹哩轉(zhuǎn)眼老阿婆。

阿婆眼蒙又耳聾，

唔好嫌外更懵懂。

（八）

猜謎謠

須茅坪須茅嶺，

嶺下一對鏡，

嶺下一架地，

地里一管塘，

中心一條鯉麻王。

（九）

猜謎謠

四四方方八仙臺，

讓爭豆腐等官來。

官一來捶鼻背，

嘀得更衰不好來。

（十）

細佬哥哩好受罪，

戴頂笠蔴把風吹。

追得笠蔴牛又走，

跟得牛來陣又歸。

曾建瑛（整理）